Барааны тайлбар:

Ажил, гэрийн хооронд өдөр хоногийг өнгөрөөн, амралтын өдрөөрөө ч ханатлаа унтаж үл чадан зүтгэх мөртөө, бахь байдгаараа л байгаад байгаа мэт санагдах үе танд байдаг уу? Он солигдох бүрийд хүслээ жагсаан бичивч биелсэн нь дэндүү чамламаар, нөгөө л өр зээл, хэрэглээнээсээ хэтрэхгүйгээр ирэх жилтэйгээ золгох нь хэвийн үзэгдэл мэт. Энэ хэвээрээ үргэлжилбэл зорьсон зорилгодоо хэзээ ч хүрэхгүйгээ, хүссэн хүнтэйгээ учрахгүйгээ, хүссэн жиндээ очихгүйгээ, хүсэл мөрөөдөл нь биелэхгүйгээ мэдэрч, энэ бүхнийг бодит байдал хэмээн хүлээн авдаг нь дэндүү харамсалтай. Таны асуудал юу ч байж болно. Харин ид шидийн мэт шийдэл хүлээж цагаа дэмий бүү үрээрэй. Учир нь тийм зүйл хэзээ ч тохиолдохгүй. Гагцхүү аз жаргалтай, дүүрэн амьдралын чинь саад тотгор нь ТА өөрөө юм. Өдөр тутамд тархинд чинь эргэлдэх тавин мянга гаруй бодлуудыг удирдан захирч, амьдралаа зөв тийш чиглүүлэхийн тулд та л өөрөө өөртэйгөө тэмцэж, та л өөрийгөө намаг балчгаас чөлөөлж чадна. Тэгвэл таны жинхэнэ нөөц бололцоог нээн илрүүлэхэд чинь үлэмж тус болж чадахуйц “Өөрийгөө чөлөөл” хэмээх, дэлхийн 22 орны хэл дээр орчуулагдан гарсан алдарт бүтээлийг эх хэл дээрээ орчуулан уншигчдад хүргэж буйдаа баяртай байна. Яг одоо өөрийгөө чөлөөлж, ямар их нөөц боломж байгаагаа олж мэдрээрэй.

#261